《哈比人- 不思異之旅》魔戒》既60年前

 

《哈比人- 不思異之旅》

• 如果覺得《魔戒》特技正呢，幾年後既《哈比人》當然係更加正啦，D景靚到呢~吾入戲院睇根本係吾會睇得清楚有幾咁心曠神怡，世界顴同 《魔戒》一樣，見返D舊情境自然格外懷念， 最開心係見到“甘道夫”啦，巫師就係要咁樣先似架~正呀，其他《魔戒》舊角色都有客寸下，但係呢，“甘道夫”今次都係主角之一喎，時間點設定係《魔戒》既60年前， 點解魔戒會由“咕嚕” 身上落入“比爾博.巴金斯”之手呢，就係喺尼度講架喇，可能係首部曲啦，未有角色陣亡所以感覺暫時係無魔戒咁慘烈既.....

《龍滕世紀 Dragon Age》

• 話說，之前玩過隻Game 叫《龍滕世紀(Dragon Age)》既，從場景到裝甲或者故事設定氣氛都好似當年《魔戒》，所以好好玩，來到今年《哈比人》呢，更加係似十足有九成，因為大家都係講飛龍帶來毀滅 ~哈哈，一開場仲以為睇緊 Dragon Age 既CG 添呀，同埋D矮人族既髮型呀， 盔甲呀，武器呀，甚至矮人城堡， 裝飾 石雕像 等，簡直餅印一樣，條飛龍出場既分鏡同角度都好相似，所以咪仲正囉~ 當日《魔戒》太完美，《哈比人》可以保持水準無突破亦不違過丫， 不過硬係會有人覺得“佐治魯卡斯”既戲時間太長既，我又吾覺喎，拍得長就自然詳細啦， 其實如果拍得短咪又係有人會話太短呀、無交代呀咁....不過假如有一日要我一次睇晒《星戰六部曲》(仲有三部後傳都仲未拍呀... 可能有生之年會變左九部曲 ...)、或者《魔戒三部曲》(遲D都係變六部曲....)可能會死人架，係睇死人...因為加加埋埋D時間仲長過經典名作《十戒》...好恐怖！！咳咳！以上所講四套戲，無耐性又無精神不宜觀看！！係咁多...