《屍人保姆Mama》淒怨的母愛

《屍人保姆 MAMA》簡介:

• 「年幼的Victoria與Lilly，在雙親離奇去世後於森林人間蒸發。5年後，她倆奇蹟地從殘破的樹屋中獲救，然後寄居於叔叔Lucas（尼古拉高斯達華竇 飾)及其女友Annabel（謝西嘉謝西婷飾）家中。性格反叛的Annabel初任「繼母」，協助兩位小姪女重過新生，漸漸發現她們行為怪異；而且每當午夜時分，她的耳中都傳來怪聲，家中鬼影棟棟，怪事連連。到底是創傷後遺症作祟，還是被邪靈糾纏？之前樹屋還有其他不速之客嗎？天真無邪的面孔背後，有甚麼不可告人的秘密？當Annabel試圖了解過去5年發生的事，鬼魔的惡戲已一發不可收拾…」 

• 好睇喎～兩個小妹妹演員實在演得太出色喇，非常正既片頭曲和詭異配樂，不寒而慄既氣氛加上有點似添布頓的淒怨故事，扭曲既母愛、兩小姊妹的怪異行徑、超自然力量，加起來就係合格有餘既恐怖片啦，中段同結局都令人幾感動，結尾並無一貫恐怖片俗套的下集鏡頭真好，由原著短片改篇成大電影係明智既~~

《伊滕潤二恐怖短篇集》其中一個單元

• 片中女妖（係妖怪吾係鬼）造型完全令我諗起《伊滕潤二恐怖短篇集》其中一個單元，睇過就明架喇，餅印一樣~哈~未睇套戲之前呢~我一個直以為poster中的女孩是躲在門後面的，哈哈，現在睇清楚啲發現原來吾係門離架喎~之前的確有掙紮過應吾應該買飛入場睇，套戲格局係中招機會好高嗰種，不過好彩睇左姐≈話說，拜某人所賜，原來我真係好鐘意睇恐怖片，真係要多謝某人先得喇～

• 最後又要講下個香港譯名，食字食得好！真係畫公仔畫到出腸嗰隻~四個字講哂成套戲內容，好野！ 卑個贊你！The End Mama~~

以上圖片轉載自Google,部份簡介轉載引用自維基百科在線