《屍營旅舍 The Cabin in the Woods》表裏不一

《屍營旅舍 The Cabin in the Woods》簡介:

•  「在一個明媚的日子裡，同在一所大學的荷登（傑西·威廉姆斯Jesse Williams飾）、馬提（弗蘭·克朗茨Fran Kranz飾）、茱爾絲（安娜·哈徹森Anna Hutchison飾）、戴娜（克里斯汀·康奈利Kristen Connolly飾）以及科特（克里斯 漢斯沃Chris Hemsworth飾）等5人驅車前往位於深山老林的小木屋中度假。他們不知道的是，自己的一舉一動都在一個神秘機構的監視之下，甚至會自覺不自覺按照那群人的引導進入圈套。“無意”之中，戴娜用拉丁文念出一段咒語，在此之後，長眠泥土之下的喪屍爬了出來，對年輕人們展開血腥大屠殺。而鏡頭的另一邊，神秘機構的成員喜滋滋看著鏡頭前的一切。無知的年輕人們，為了一個神秘的目的必須死去……」

林中小木屋...

• 真係吾可以吾再一次拜服於西片喺香港既譯名之下....《屍營旅舍》!?係改名既人無睇過,定係有一個好大既誤會會咁譯名呢,請問係點樣"屍營"法先!?"旅舍"又去左邊呢!?不如改返叫林中小木屋仲好啦....真係睇名都好似知係咩一回事咁,只看過預告或簡介的人一定會以為,咪又係幾個貪玩年輕人喺荒山小屋跑跑跳跳,然後卑喪屍追追抓抓咁啦..揾下凶手又有怪物殺下人啦,B級可能到C級既驚悚片格局啦啦.......咁咪就錯晒囉....實情係偽驚悚片既真科幻片黎架,睇海佈設計就知啦.....

隱形的科幻電牆!?

• 此片高明在於,場境服飾氣氛,一邊包裝成B級驚悚片,但係又一時透小小奇特情節,如其中一慕於起始十數分鐘,遠境鏡頭下一隻鳥兒飛過廣闊山頭,突然就撞上無色無形的電牆?什麼!?不是兇手殺人片嗎?那來隱形的科幻電牆呢?類這種奇怪支線直到結局前當然會真相大白的,亦能引起追看下去的好奇心啦~~樂透了~~

這不是《荒鄰勿近》嗎?還有更多喔~

• 從戲中看到大量致敬劇情,對白編排對恐怖片冷諷,加上一眾經典驚悚片ICON既妖魔鬼怪人客串,驚悚片迷睇得自然開心死啦,客串妖怪陣容真係豐富到上至《驅魔人》、《猛鬼追魂》、《貞子》,下至《侏羅紀公園》、《小丑回魂》、《心慌方》、連近期嘅《荒鄰勿近》都有,出場多到係有十幾二十套不等~點解用客串吾用悪搞黎形容呢,因為悪搞係搞下笑搞下氣氛,客串呢就偏向認真既,究竟點先可以串到咁多ICON角色呢~

五位年輕主角...

• 透露太多當然吾好啦,雖然未至於上通下順,但係個故事寫得幾好架,估吾到劇情推進丫麻,起馬一定吾係開頭會估到既老式恐怖情節,片尾出場既某人實在係太正啦,某人已經吾係第一次咁客串架喇~上次係《外星人Paul》,《外星人Paul》呢一樣都係有大量crossover經典外星電影場境對白既~如果《外星人Paul》係向科幻外星人片行禮, 咁《屍營旅舍》!?就係一個恐佈驚悚片既舞會,一齊赫下人殺下人幾好呀~~慶幸本人有睇過到場當中海量影片~所以連只出場數秒既角色都認到不小,睇得好開心之餘,又可以懷念一下,哈哈,結局絶對係出人意表,你一定估吾到,表面上係老式恐怖片,其實就.......

老到不行的設定(偽)~

• 話説,本片同《復仇者》係同一導演既,正叻~卡士除左某人之外,其中一個男角,乃係《復仇者》和《雷神索爾(Thor)》中的主角 克里斯漢斯沃(Chris Hemsworth),相信拍此片當時係尚未健身既,所以身形比起Thor時細左一圏,哈哈,長髪比起短髪有型太多了,人又有型又瀟灑,又可以風趣情深~找他演《雷神索爾(Thor)》絶對係找對人了~本片總結係,表裏不一,別被名目騙到了啊~~

克里斯漢斯沃(Chris Hemsworth)

身形比起Thor時細左一圏~

《雷神索爾(Thor)》

以上圖片轉載自Google,部份簡介轉載引用自維基百科在線