《新宇宙威龍(TOTAL RECALL 2012)》簡介:
- 「歡迎來到Rekall，我們可以將你所夢想的生活轉化成為你的記憶。」工廠工人Quaid（哥連費路 飾）有一個美麗的妻子（姬蒂碧金莎 飾），生活貌似不俗，但工作失意的他決定參加由Rekall舉辦的虛擬旅行，藉著值入晶片而體驗成為一個超級特工，但過程中卻意外觸動了他潛藏的記憶，醒來後更遭到世界領袖Cohaagen（Bryan Cranston 飾）所派的警察追捕。他不得不聯合偶然認識的反政府鬥士（謝茜嘉貝兒 飾）逃避追捕，並要找到地下反政府組織的領袖（標尼菲 飾），尋求他的幫忙去反抗Cohaagen。究竟那些是現實，那些是虛構？Quaid的真實身份是甚麼？背後又隱藏著甚麼秘密？他的命運又如何？
- 新不如舊亦算係理所當然嘅……只怪舊版太經典，變成了直線動作片亦難怪，喜歡既大有人在，因為對舊版太有愛，當然要入場一看究竟啦，在特登完全無查看演員陣容，吾知咩導演咩劇情乜都吾知既情況下發現，原來新版係無講火星，無搶氧氣，又無異變人既 …齋講地球… 係有小小失望架啦（咁請問《新宇宙威龍》個“宇宙”去左边呢=_=？什麽？用舊名加個“新”字咋...哦...咁算數啦！）…但係未來場境設計比起同年代的科幻片算做足功課啦，雖然明眼一睇已知係抄緊乜野，不過抄得幾好，睇得幾開心~有部份劇情同對白場囗明顯係向舊版至敬的，算係用心良苦架喇~直得一贊，動作部份掌握得好好，亦有火爆大場面，最開心係入場先知有《妖夜尋狼》女主角 Kate 出演~做奸角都一貫又靚又有型~正到呢~~至於故事黎講呢……係薄弱左小小，睇過舊版既可以腦內補完既~最後想講既係，除左家人，點解我身边係無一個人睇過舊版既呢！？喂喂，加洲洲長 阿諾舒華辛力加 代表作喎！！無理由掛…咁奇怪…吾通有問題既期實係我！？
姬蒂碧金莎(Kate Beckinsale) 實在係靚到無野講,身手好又有型~入型入格~
科幻世界觀戲中絕小提及,可惜...
場境設計雖然有抄人,但係睇得幾舒服~~
- 當年今日, 阿諾舒華辛力加 (Arnold Schwarzenegger)可謂科幻片王,
- 當年演的失憶双重特務在新版由哥連費路(Colin Farrell) 飾演,
- 同場仲有莎朗史東(Sharon Stone)飾演的妻子,新版由姬蒂碧金莎(Kate Beckinsale)飾演
記憶改造機新舊對照~~
《宇宙威龍(TOTAL RECALL 1990)》簡介：
- 「未來世界西元二○八四年，地球經歷第三次世界大戰後，人類在外太空建立殖地，但政局仍是動盪不安的。一名建築工人（阿諾史瓦辛格飾）家有美眷，也有很好的朋友，生活應是美滿的，可是他卻一直怪夢連連，夢著他在紅色星球過著奇特的生活，並有神祕女子出現。他的朋友勸他該去度個假。於是他找到了虛擬旅行，指定到火星去，做一赴驚險刺激的冒險旅程…… 」
以上圖片轉載自Google,部份簡介轉載引用自維基百科在線
沒有留言:
發佈留言